Wiki 30 Activity 6: Contemporary trends in New Zealand or internationally

Ko te whakawhanake i ngā pukenga whaiaro (Daggett, B,. 2014) te ia kua tipako au i roto i taku mahi whakaako. He ia i hopu i au na te  mea he mea nui ahakoa ko wai koe.  Ko tēnei  tētahi āhuatanga e kaha ana ngā Kura Kaupapa Māori Te Aho Matua te whakawhanake.  I ahu mai ia i hea, ko te mōhio ko wai ia, no hea ia hoki i roto i ngā matapono o Te Aho Matua. Ka  whakanui i tōna mana ake, ōna pūmanawatanga ētahi o ngā pukenga whaiaro ka kaha whakapakari i ngā Kura Kaupapa Maori. 
Me aha?
Ko ēnei pukenga ka awhina te akonga ki tōna kainga, ki Aotearoa, ki te Ao whānui anō hoki. He pukenga a ao me kī. Ahakoa haere ia ki hea i te ao ka mōhio ia ko wai ia.  Kua mōhio ia ki te manaaki, ki te aroha ki te tangata ahakoa ko wai. Ka whakaputa ērā pukenga ki te tangata o te ao. Ko tēnei ia he whakapono ka whakapakari ngā kura ia rā ia rā.
Ko te whaiaro matihiko he mea anō tērā.  I tēnei wā ka noho tēnei ahuatanga, he mea kainga. Kaore mātou o te kura kua paku timata ki te whakaako, ki te whakamōhio ki ngā akonga e pā ana ki te tapuwae matahiko ka noho mō ake tonu ki a rātou.  E ai ki ngā tatauranga ko te katoa, ko te nuinga rānei  o rātou kua timata ki te raweke i te pukamata, i te twitter me ēra atu tūhono matihiko.  Ki te kore rātou e mōhio ki ngā tupatotanga ka kore e taea e rātou te whakakorenga i ngā tau ki mua i a tātou. Ahakoa kua rawe rawa atu ana mahi kura, ana mahi whare wananga rānei ka titiro tonu te rangatira o te mahi ki tōna  āhua a matihiko nei, ā ka raruraru ia.
Me aha inaianei
Me whakamōhio atu ki ngā akonga me te whakatūpato hoki ki a rātou mō tōna rātou āhua a matihiko. Me noho mataara rātou ki tēnei āhuatanga. He mea whakatupato hoki ki ngā akonga e pā ana ki te ahua o te ao, ahakoa ka aroha mātou ki te tangata ahakoa ko wai, he rerekē ngā matapono o tēnei, o tēnei tangata i te ao.  Me noho tuwhera te kura ki ngā ia hou o te ao hei awhina i a mātou te whiriwhiri, te matapaki i te ao e ora ai a tātou akonga.

Ngā Rauemi

Daggett, B. (2014). Addressing Current and Future Challenges in Education. Retrieved from http://www.leadered.com/pdf/2014MSC_AddressingCurrentandFutureChallenges.pdf

Comments

  1. UnknownOctober 23, 2018 at 4:19 PM

    E mihi ana ki a koe Kōkā,

    E tautoko ana, he tautoko nui tēnei āhuatanga te whakamana i te tamaiti, tētahi āhuatanga matua o Te Aho Matua.

    E tautoko ana hoki me whakamōhio, me whakaako hoki te noho haumaru i te ao matihiko. Kei te nui haere te puta mai o ngā taupānga, ā, ehara i te mea me 16, me 18 rānei te pakeke o te tamaiti. He pērā rawa te tūwhera o te ipurangi, i ēnei rā, kei te kake noa ngā tamariki ki ngā wāhi kāore i te paku haumaru. Ka heke mai hoki ki te tūwhera o te/ngā mātua ki te whakamahinga o te tamaiti i ngā taputapu matihiko ki te whera ki te ipurangi.

    Ka waiho i ēnei kupu nō te poi o te kapa haka o Te Piringa i mahia i te whakataetae kapa haka tuarua o te motu i tēnei tau hei whakatakoto i ōku whakaaro mo te noho tūpato i te ao matihiko.

    Tūporetia tō mana
    Tauwhirotia tō tūākiritanga
    Kei mau koe i te kokoti kupenga a Kui Katipo
    Tēnei anō a mutu kei roto i tona whare pūngāwerewere
    Katipō, Katipō, ka katipō pō hī!

    Kui Katipō (te mate ka whai i te noho haumaru kore i te ao matihiko - te pōuri nui, taumaha hārukiruki, whakamomori)

    ReplyDelete
  2. Koka KimNovember 3, 2018 at 1:05 PM

    Tēna koe Rongomai me o whakaaro rangatira

    ReplyDelete

Post a Comment

Popular posts from this blog

Wiki 29  Activity 5: Using social online networks in teaching or professional development I ngā tau kua pahure i kaha whakauru te mahi hangarau ki te akomanga. He e mera te mahi i mahi hei whakawhiti korero. He roa te tatari ki te whakahoki korero, ā i ahua hoha ngā akonga.  I mahi hoki ngā blogs hei taputapu tautoko  i te tuhituhi. I roto i ngā tau tata kua tino whanake te whakamahi hangaraui roto i ngā akomanga o ēna rā ēngari nā te nui o te reo pakeha kaore taku kura o inaianei e tino whakaae ki te whakamahi ēnei momo ahuatanga. Kaore o mātou taputapu hoki hei whakamahi i ētahi momo ako i roto i te akomanga kura tuatahi.  I te taha o nga mahi whakangungu ka whakamahi mātou i te pukamata (facebook). He Kura Kaupapa Māori mātou, nā reira he rawe te roopu te Mana o te Reo. Ka whakawhiti korero mō ngā kupu māori, ka whakawhiti whakaaro mō ngā tikanga māori. Ka whakapakari i tōna mōhiotanga, ka tuari hoki aku whakaaro.  Ko te Mindlab kua whakatuwhera te ta...
Read more
Activity 8: Key change in my professional practice 1.Kua whiriwhiri au tētahi o ngā kaupapa o Hack education research, ā, kei whakamahi au te tauira a Rolfe ki te whakaputa i aku whakaaro. Ā ngā tau kei mua i a tātou ko te matauranga, ko ngā taputapu matahiko, ka whakakorengia te pene me te pepa mō ā tātou tamariki. Ka kore rātou e mōhio ki te tuhi a pene, ka tuhi noa iho a patoto patene.   Ko te awangawanga māku, kei hea ā tātou tamariki kura kaupapa i roto i tēnei huringa matihiko. Kua here ki te ao kohatu, kei te anga whakamua rānei i roto i tēnei ahuatanga? Kaore ngā tamariki o ēnei rā e taea te aro mō te wā roa, ā, he mea pai ki a rātou te i papa, ngā taputapu hiko. Kaore he maha ngā taputapu hiko i roto i te akomanga, nā reira kua whai au te constructionism hei mea panoni i roto i ngā mahi whakaako ēngari me whakapakari aku pukenga ki tēnei āhuatanga ako. Ahakoa kei te matau te ako mā te hanga, kaore tonu tētahi kahui tama e aro ana.   2.   Kua tautu te raru...
Read more
Week  19  Community of Practice Step 1 ( Descriptive ): I go back to Papert ; Harel (1991) that states that constructionism is   the idea of learning by making and that these activities display qualities of learning richness . The change to learning by making is the style of learning that we trialled in the   change initiative and this style of learning excited me .   The   children ’ s   enthusiasium   heighten   my   excitement .  The makey makey activity that we participated in our session was fun, hands on and learning through making. We as the students were excited and focus on the task.     I would like to look more closely and gain more knowledge on this style of learning , constructionism .  The second topic I am keen to explore is collaborative learning and unpacking strategies   to ensure the students interact and true...
Read more